තායිලන්තයේ බැංකොක් නුවර පිහිටි ප්රසිද්ධ අවන්හලක හටගත් දරුණු ගින්නකින් පුද්ගලයන් 30 දෙනෙකු ජීවිතක්ෂයට පත්ව ඇති බව විදෙස් මාධ්ය වාර්තා කරයි. මෙම ඛේදවාචකයෙන් තවත් පිරිසක් අතුරුදන්ව ඇති අතර, ඔවුන් සෙවීමේ මෙහෙයුම් මේ වනවිටත් ක්රියාත්මක වේ.
ගින්නට ලක්වූ මෙම අවන්හල බැංකොක්හි චතුචක් (Chatuchak) දිස්ත්රික්කයේ පිහිටා ඇති අතර, එය ප්රදේශවාසීන් මෙන්ම සංචාරකයන් අතර ද බෙහෙවින් ජනප්රිය අවන්හලක් සහ විනෝදාස්වාද මධ්යස්ථානයක් බව එරට මාධ්ය සඳහන් කරයි. ගින්න හටගන්නා අවස්ථාවේදී එහි විශාල පිරිසක් රැඳී සිටින්නට ඇතැයි සැක කෙරේ.
ප්රාදේශීය බලධාරීන් සහ සහන සේවා කණ්ඩායම් එක්ව තත්ත්වය පාලනය කිරීමට සහ තුවාල ලැබූවන් මුදාගැනීමට කටයුතු කර ඇති අතර, ගින්න හටගැනීමට බලපෑ නිශ්චිත හේතුව මෙතෙක් අනාවරණය වී නොමැත. සිද්ධිය සම්බන්ධයෙන් තායිලන්ත ආරක්ෂක අංශ වැඩිදුර විමර්ශන සිදුකරයි.