ඉන්දුනීසියානු සංචාරය සාර්ථකව නිමා කිරීමෙන් අනතුරුව ඉන්දීය අග්රාමාත්ය නරේන්ද්ර මෝදි මහතා ඕස්ට්රේලියාවේ මෙල්බර්න් නුවර වෙත ළඟා විය. එහිදී ඕස්ට්රේලියානු අග්රාමාත්ය ඇන්තනි ඇල්බනීස් මහතා ඇතුළු එරට රජයේ ඉහළ පෙළේ නියෝජිතයන් පිරිසක් විසින් ඉන්දීය අග්රාමාත්යවරයා වෙත ඉතා උණුසුම් මෙන්ම හරසරණීය පිළිගැනීමක් පිරිනමනු ලැබීය.
මෙම සංචාරය අතරතුර දෙරටේ අග්රාමාත්යවරුන් අතර විශේෂ ද්විපාර්ශ්වික සාකච්ඡා වටයක් ද පැවැත්විණි. දෙරට අතර පවතින රාජ්ය තාන්ත්රික සබඳතා සහ මිතුදම් තවදුරටත් ශක්තිමත් කරගැනීමේ අරමුණින් පැවැති මෙම සාකච්ඡාවලදී වෙළෙඳ, තාක්ෂණික, ආරක්ෂක සහ ආයෝජන යන ක්ෂේත්ර රැසක අන්යෝන්ය සහයෝගීතාව වර්ධනය කරගැනීම කෙරෙහි විශේෂ අවධානයක් යොමු විය.
එමෙන්ම, මෙල්බර්න් නුවර වෙසෙන ඉන්දීය ප්රජාව හමුවී ඔවුන් ඇමතීමට ද අග්රාමාත්ය මෝදි මහතා කටයුතු කළේය. ඔහු වෙනුවෙන් එරට ඉන්දීය වැසියන් විසින් සංවිධානය කර තිබූ අලංකාර සංස්කෘතික සන්දර්ශනය නැරඹීම සඳහා ඕස්ට්රේලියානු අග්රාමාත්ය ඇන්තනි ඇල්බනීස් මහතා ද එක්වීම විශේෂත්වයක් විය.