ශ්රී ලංකා කණ්ඩායම සහ බටහිර ඉන්දීය කොදෙව් කණ්ඩායම අතර පැවැති දෙවැනි ටෙස්ට් ක්රිකට් තරගය ජය පරාජයෙන් තොරව අවසන් වීමත් සමඟ තරගාවලිය 1-0ක් ලෙස ජය ගැනීමට බටහිර ඉන්දීය කොදෙව් කණ්ඩායම සමත් වුනා.
කොදෙව්වන් 2023 වසරෙන් පසු ටෙස්ට් ක්රිකට් තරගාවලියක ජය හිමිකර ගත් පළමු අවස්ථාව මෙය වන අතර, තරගාවලියේ පළමු තරගය ඉනිමකින් සහ ලකුණු 217ක දැවැන්ත ජයක් ලබාගැනීම ඔවුන්ගේ ජයග්රහණයට හේතුව විය.
දෙවැනි ටෙස්ට් තරගයේ අවසන් දිනයේදී ශ්රී ලංකාව සිය දෙවැනි ඉනිම කඩුලු 9ක් දැවී ලකුණු 251 රැස්කරමින් කොදෙව්වන්ට ජයග්රහණය සඳහා ලකුණු 302ක ඉලක්කයක් පන්දුවාර 60ක් තුළ ලබා දුන්නේය.
ජය හඹා යාමට අවදානමක් නොගත් කොදෙව් පිල ආරම්භක පිතිකරුවන් වන ජෝන් කැම්ප්බෙල් සහ බ්රැන්ඩන් කිංගේ නොදැවුණු අර්ධ ශතක හමුවේ කඩුල්ලක් නොදැවී ලකුණු 109ක් ලබා සිටියේය.
මෙහිදී,ජෝන් කැම්ප්බෙල් සහ බ්රැන්ඩන් කිං දෙදෙනාම නොදැවී ලකුණු 51 බැගින් රැස් කළහ.තරගයේ පළමු ඉනිමේදී කාසියේ වාසිය දිනාගත් ශ්රී ලංකාව කඩුලු 9ක් දැවී ලකුණු 549ක් රැස්කළ අතර, ළහිරු උදාර ලකුණු 188ක් රැස් කළේය.
ඊට පිළිතුරු ලෙස කොදෙව්වෝ ලකුණු 499ක් රැස් කළ අතර, ජස්ටින් ග්රීව්ස් ලකුණු 180ක් සහ ශායි හෝප් ලකුණු 112ක් රැස් කරමින් තරගය කොදෙව්වන්ගේ පැත්තට හැරවීමට දායක වූහ.
ජස්ටින් ග්රීව්ස් තරගාවලියේ වීරයා සහ තරගයේ වීරයා ලෙස සම්මාන දිනාගත්තේය.