රට තුළ පවතින වැසි සහිත කාලගුණික තත්ත්වයත් සමඟ ඩෙංගු රෝගය ව්යාප්තවීම තවදුරටත් තීව්ර වෙමින් පවතින බව සෞඛ්ය අංශය කියයි.
ඒ අනුව මේ වන විට ඩෙංගු රෝගීන් සංඛ්යාව 54,000 සීමාව ඉක්මවා ගොස් ඇති බව ජාතික ඩෙංගු මර්දන ඒකකය පවසයි.
ජාතික ඩෙංගු මර්දන ඒකකයේ වැඩබලන අධ්යක්ෂ වෛද්ය කපිල කන්නංගර මහතා පැවසුවේ අදවන විට මෙරටින් වාර්තාවන ඩෙංගු රෝගීන් සංඛ්යාව 54,189ක් බවයි.
එමෙන්ම දෛනිකව වාර්තාවන රෝගීන් සංඛ්යාව 950ත් 1,000ත් අතර වන බවද වෛද්යවරයා පැවසීය.
පසුගිය පැය 24 තුළ පමණක් ඩෙංගු රෝගීන් 1,030ක් වාර්තා වී ඇති අතර ඉදිරි දින තුන තුළද ඩෙංගු මර්දන වැඩසටහන් ක්රියාත්මක වන බැවින් ඒ් සඳහා ජනතාවගේ සහායෝගය බලාපොරොත්තු වන බවද ඒ් මහතා පැවසීය.
මේ අතර, ඩෙංගු රෝගීන් වැඩි වශයෙන් වාර්තාවන්නේ කොළඹ දිස්ත්රික්කයෙන් වන අතර ඒ 11,163කි.
එලෙසම ගම්පහ දිස්ත්රික්කයෙන් 10,662ක් ද, මාතරින් 3,921ක්ද, කළුතරින් 3600ක්ද, රත්නපුරින් 3,279ක්ද ඩෙංගු රෝගීන් වාර්තා වෙයි.
අධි අවදානම් කලාප ලෙස දැනට කලාප 124ක් නම් කර තිබේ.
තවද මේ වන විට දිවයින පුරා ඩෙංගු රෝගීන්ගේ මරණ සංඛ්යාව 31ක් ලෙස වාර්තා වන බවද සෞඛ්ය අංශ වැඩිදුරටත් පවසයි.