නාවලපිටිය මාපාකන්ද ප්රදේශයේ සිට නාවලපිටිය දක්වා ධාවනය වෙමින් පැවති ත්රිරෝද රථයක් මතට ප්රධාන මාර්ගය අසල තිබූ විශාල ගසක් කඩාවැටී පාසල් සිසුවෙකු ඇතුළු තිදෙනෙකු ජීවිතක්ෂයට පත්වී තිබේ.
අද (04) උදෑසන මෙම අනතුර සිදුවී ඇති අතර පාසල් සිසුවෙකු, ඔහුගේ මව සහ තවත් කාන්තාවක් මෙම අනතුරින් ජීවිතක්ෂයට පත්වී ඇති බව පොලිසිය පැවසීය.
කෙසේවෙතත් අනතුරින් ත්රිරෝද රථ රියදුරා දිවි බේරාගැනීමට සමත්වී තිබේ.
අද (04) උදෑසන 6:45ට පමණ මෙම අනතුර සිදුවී ඇත.
පසුව නාවලපිටිය පොලිසියේ නිලධාරින් සහ ප්රදේශවාසීන් එක්ව ගස කඩාවැටීමෙන් ඊට යටවී මියගොස් සිටි තිදෙනාගේ සිරුරු ඉවතට ගෙන නාවලපිටිය දිස්ත්රික් මහ රෝහල වෙත රැගෙන ගොස් තිබුණි.
අනතුර සම්බන්ධයෙන් නාවලපිටිය පොලිසිය වැඩිදුර විමර්ශන සිදුකරයි.