ලෝක වෙළෙඳපොළේ ඉන්ධන මිල ගණන් අනුව ඉදිරියේදී මෙරට ඉන්ධන මිල ගණන් සංශෝධනයේදී මිල අඩුවීමක් බලාපොරොත්තු විය නොහැකි බව රජය පවසයි.
ඛනිජ තෙල් නීතිගත සංස්ථාවේ කළමනාකාර අධ්යක්ෂ මයුර නෙත්තිකුමාරගේ මහතා පවසන්නේ පසුගිය මාර්තු සහ අප්රේල් මාසයන්ට සාපේක්ෂව මේ වන විට ඉන්ධන මිල ගණන්වල යම් අඩුවීමක් පෙන්නුම් කරන නමුත් මැදපෙරදිග යුද්ධයට පෙර ලෝක වෙළෙඳපොළේ ඉන්ධන මිල ගණන් පැවැති මිලට වඩා වැඩි මිලකට තවදුරටත් පවතින බවද ඒ මහතා සඳහන් කළේය.
කෙසේ නමුත් ලෝක වෙළෙඳපොළේ අද (29) දවසේ ඉන්ධන මිල අද පස්වරුව වන විට තීරණය වනු ඇති බවත් පැවසූ ඒ මහතා ඒ අනුව එම තත්ත්වයන් සලකා බැලීමකින් පසුව මෙරට ඉන්ධන මිල සම්බන්ධව තීරණය කරනු ඇති බවත් ඒ මහතා පැවසීය.
නමුත් ඉන්ධන මිල ගණන් සම්බන්ධව මෙතෙක් තීරණයක් ගෙන නොමැති බවත් ඉන්ධන මිල සංශෝධනය සඳහා සාකච්ඡා වාර කිහිපයක් ආරම්භ කළ යුතු බවත් පැවසූ ඒ මහතා ඉන්ධන මිලෙහි සුළු වැඩිවීමක් සිදු වේද නැතහොත් පවතින මිල ගණන් යටතේම අලෙවි කිරීමට තීරණය කරන්නේද යන්න එම සාකච්ඡා වාරයන් හිදි තීරණය වෙනු ඇති බවද සඳහන් කළේය.