පවතින ඉන්ධන සපයා ගැනීමේ ගැටලුව සැලකිල්ලට ගනිමින් අද (18) සිට සෑම සතියකම බදදා දිනවල රජයේ සේවකයින්ට නැවත දැනුම්දෙන තුරු නිවාඩු ලබා දීමට රජය තීරණය කර ඇත.
මෙම නිවාඩුව පාසැල්, විශ්ව විද්යාල සහ අධිකරණ කේෂ්ත්රයටද අදාළ බව අත්යාවශ්ය සේවා කොමසාරිස් ජනරාල් ප්රභාත් චන්ද්රකීර්ති මහතා පවසුවේය.
එමෙන්ම රජයේ අනුමත පාසැල් හා පෞද්ගලික උපකාරක පංති සඳහාද අද දිනයේ නිවාඩු ලබාදෙන ලෙස රජය ඉල්ලා තිබේ.
කෙසේවෙතත් සෞඛ්ය, වරාය, ජලය සහ රේතුව වැනි අත්යාවශ්ය සේවා සඳහා මෙම නිවාඩු දිනය අදාළ නොවන බව අත්යාවශ්ය සේවා කොමසාරිස් ජනරාල්වරයා කීය.
මේ අතර විශේෂ නිවාඩු දිනය හේතුවෙන් අද දිනයේ දී සෙනසුරාදා දිනයට ධාවනය කෙරෙන දුම්රිය පමණක් ධාවනය කිරීමට පියවර ගෙන ඇති බව දුම්රිය දෙපාර්තමේන්තුව පවසයි.
ඒ අනුව ප්රධාන මාර්ගයේ දුම්රිය ගමන් වාර 29 ක් හා උකුරු දුම්රිය මාර්ගයේ ගමන් වාර 17 හා මුහුදුබඩ මාර්ගයේ දුම්රිය ගමන්වාර 33 ධාවනය කිරිමට නියමිතය.
කැලණිවැලි මාර්ගයේ ගමන් වාර 5 ක්, පුත්තලම මාර්ගයේ ගමන්වාර 9 ක් මඩකලපුව හා ත්රිකුණාමල මාර්ගයේ ගමන් වාර 6 ක් ධාවනය කිරීමට සැලසුම් කර ඇති බවයි දුම්රිය දෙපාර්තමේන්තුව නිවේදනය කළේය.
මේ අතර දිවයිනපුරාම නියමිත පරිදි බස්රථ ධාවනය කිරීමට පියවර ගන්නා බව ලංකා ගමනා ගමන මණ්ඩලය පවසයි.
එහි ප්රකාශකයෙකු පැවසුවේ අදාළ බස්රථ ධාවනය සඳහා යොදා ඇති කාලසටහන ඇතැම් වේලාවන් සංශෝධනය කිරිමට පියවර ගෙන ඇති බවය.
මඟී ජනතාවගේ අවශ්යතාවය පදිරි ඕනෑම අවස්ථාවක බස්රථ ධාවනය කිරීම සඳහා උපදෙස් ලබා දී ඇති බව එම ප්රකාශකයා වැඩිදුරටත් සඳහන් කළේය.