තමන් සිදුකළ රාජකාරී ඒ ආකාරයෙන්ම ඉටු කරමින් විදුලිබල සැපයුම අඛණ්ඩව පවත්වාගෙන යාමට කටයුතු කරන ලෙසට නව සමාගම් දෙකක් විසින් විදුලි සේවකයින්ට දැනුම්දී තිබේ.
ඒ ඉලෙක්ට්රිසිටි ඩිස්ට්රිබියුෂන් ලංකා ප්රයිවට් ලිම්ටඩ් සහ නැෂනල් ට්රාන්ස්මිෂන් නෙට්වර්ක් සර්විස් ප්රවයිඩර් ප්රයිවට් ලිම්ටඩ් යන සමාගම් විසිනි.
විදුලිබල සැපයුමට අදාළ සියලු සේවාවන් අත්යවශ්ය සේවාවන් ලෙස ගැසට් මගින් ප්රකාශයට පත්කර ඇති පසුබිමක එම සමාගම් විසින් නිවේදනයක් නිකුත් කරමින් එම සැපයුම් සේවාව අඛණ්ඩව පවත්වාගෙන යාමට කටයුතු කරන්නැයි විදුලි සේවකයින්ට දැනුම්දෙයි.
එසේ සිය රාජකාරී ඉටු කිරීම පැහැර හැරීම අත්යවශ්ය සේවා රෙගුලාසි යටතේ බරපතළ වරදක් වන අතර, ඒ සඳහා විනය ක්රියාමාර්ග ගැනීමට සිදුවන බැවින් වහාම විදුලිබල සැපයුම් සේවාව තුළ පැවරී ඇති රාජකාරී ඉටු කරන ලෙස එම සමාගම් සිය නිවේදන මගින් වැඩිදුරටත් පෙන්වාදෙයි.
සේවකයින් සියලු දෙනා වෙත පත්වීම් ලබාදීමට කටයුතු කරමින් සිටින අතර ඉදිරියේදී එය ලබාදීමට පියවර ගන්නා බවද අදාළ නිවේදනයන් හි සඳහන් ය.