NEWSNOW | – චීනයේ වසර 1500ක් පැරණි විහාරස්ථානයක් ගිනිගෙන විනාශ වී ඇති බව විදෙස් මාධ්‍ය පවසයි.
මෙම විහාරස්ථානය ඓතිහාසික සිදුවීම් රැසකට මුල් වූ විහාරයකි.
මෙලෙස විනාශවී ඇත්තේ ෂැංජියාගෑං හි ප්‍රතිසංස්කරණය කරන ලද ඓතිහාසික යොංකිං විහාරස්ථානයේ මණ්ඩපයක් බව සඳහන් වේ .
පසුගිය බදාදා (12) මෙම ගින්න හටගෙන ඇති අතර, එහි දේව මාළිගයේ තෙමහල් ලී වෙන්චැං මණ්ඩපයෙන් ගින්න හටගෙන තිබේ.
ඉන් අනතුරුව මණ්ඩපයේ කොන්ක්‍රීට් රාමුව පමණක් ඉතිරිව සියල්ල විනාශ වී ඇත.
කෙසේ නමුත් මෙම සිද්ධියෙන් කිසිවෙකුට තුවාල සිදුව නොමැති අතර, චීන බලධාරීන් ගින්නට හේතුව විමර්ශනය කරමින් සිටී.
වසර 1500ක ඉතිහාසයක් ඇති මෙම විහාරස්ථානය 536 දී දකුණු ලියැං රාජවංශයේ ෆෙන්ගුවාං කන්දේ ඉදිකරන ලද්දකි.
යුවාන් රාජවංශයට අයත් ෂි නායියන්ගේ ආරාමය වූ වෙන්චැං මණ්ඩපයේ දී චීන සාහිත්‍යයේ විශිෂ්ට කෘති හතරෙන් එකක් ලෙස සැලකෙන ‘වෝටර් මාජින්’ රචනා කර ඇති බව සඳහන්ය.
මෙම විහාරස්ථානයේ සිටි භික්ෂූන් වහන්සේලා 1958 වසරේ දී එවක බලධාරීන් නෙරපා හැර ඇති අතර, ඉන් අනතුරුව මෙහි වර්තමාන මණ්ඩපය 1993 දී ප්‍රතිසංස්කරණය කර තිබේ.
