NEWSNOW | – ඔක්තෝබර් මාසයේ මුල් දින 12 තුළ මෙරටට පැමිණි සංචාරකයින් සංඛ්‍යාව 62,741 ක් බව ශ්‍රී ලංකා සංචාරක සංවර්ධන අධිකාරිය නිවේදනය කර තිබේ.
SLTDA විසින් නිකුත් කරන ලද දත්ත වලට අනුව, ඉන්දියාවෙන් සංචාරකයින් 18,299 ක් පැමිණ ඇති අතර එය 29.2% කි. තවද, ඔක්තෝබර් මාසයේදී චීනයෙන් පුද්ගලයින් 5,417 ක්, එක්සත් රාජධානියෙන් 4,874 ක්, ජර්මනියෙන් 3,804 ක් සහ ඕස්ට්‍රේලියානු ජාතිකයින් 2,954 ක් ද ශ්‍රී ලංකාවට පැමිණ ඇත.
මේ අතර, ඔක්තෝබර් සඳහා නවතම සංඛ්‍යාලේඛන නිකුත් කිරීමත් සමඟ 2025 දී ශ්‍රී ලංකාවට පැමිණි සංචාරකයින් සංඛ්‍යාව 1,788,235 දක්වා ඉහළ ගොස් තිබේ. ඔවුන් අතර, ඉන්දියාවෙන් පුද්ගලයින් 292,633 ක්, එක්සත් රාජධානියෙන් 166,767 ක්, රුසියාවෙන් 125,035 ක්, ජර්මනියෙන් 110 ක් සහ චීනයෙන් 107,007 ක් වන බව SLTDA සඳහන් කළේය.
සැප්තැම්බර් මාසයේදී විදේශිකයන් 158,971 ක් මෙරටට පැමිණ ඇති අතර එය 2024 සැප්තැම්බර් මාසයේ දත්ත හා සසඳන විට 30.2% ක වැඩිවීමකි.