NEWSNOW | – අද(13) දිනයේ බලධාරීන් කත්මණ්ඩු නිම්නයේ සහ නේපාලයේ අනෙකුත් ප්‍රදේශවල පනවා තිබූ ඇඳිරි නීතිය සහ සීමා කිරීමේ නියෝග ඉවත් කළ අතර, දෛනික ජීවිතය ක්‍රමයෙන් සාමාන්‍ය තත්ත්වයට පත්වීමට ඉඩ සැලසූ බව විදෙස් මාධ්‍ය පවසයි.
සමාජ මාධ්‍ය තහනමක් හේතුවෙන් ඇති වූ රටපුරා ඇති වූ උද්ඝෝෂණයක් හමුවේ කේපී ෂර්මා ඔලිගේ පාලනයට ඉල්ලා අස්වීමට සිදුවීමෙන් පසු දින ගණනක් පැවති දේශපාලන අවිනිශ්චිතභාවය අවසන් කරමින්, හිටපු අගවිනිසුරු සුෂිලා කාර්’කි ඊයේ(12) නේපාලයේ අන්තර්’වාර රජයකට නායකත්වය දුන් පළමු කාන්තා අගමැතිනිය බවට පත්වීමෙන් දිනකට පසුව මෙම වර්’ධනය සිදුවිය.
සෙනසුරාදා කිසිදු සීමා කිරීමේ නියෝග හෝ ඇඳිරි නීතියක් නොමැති බව නේපාල හමුදා ප්‍රකාශකයෙක් පැවසීය.
දින ගණනක් වසා දැමීමෙන් පසු සාප්පු, සිල්ලර වෙළඳසැල්, එළවළු වෙළඳපොළවල් සහ සාප්පු සංකීර්ණ නැවත විවෘත කරන ලද අතර, වීදිවල ගමනාගමනය නැවත ආරම්භ විය.
සමාජ මාධ්‍ය සඳහා සීමා පැනවීමට නේපාල රජය ගත් ක්‍රියාමාර්ගයට එරෙහිව එරට පුරා දැවැන්ත විරෝධතා ක්‍රියාත්මක විය.
එය පාලනය කිරීමට ඇඳිරි නීතිය පැනවීය. කෙසේ නමුත් විරෝධතා අතරතුර පුද්ගලයින් 51දෙනෙකු මියගොස් තිබුණි.