uncategorized විදේශිකයින් ගෙවූ වැට් බදු නැවත ලබාගැනීමට කවුළුවක් ඇරේ. By Newsnow Sinhala - July 5, 2025 0 52 FacebookTwitterPinterestWhatsApp NEWSNOW | – විදේශිකයින්ට ඔවුන් ගෙවූ වැට් බදු නැවත ගෙවීම සඳහා වූ කවුළුවක් ඊයේ (04 ) බණ්ඩාරණායක ගුවන් තොටුපොළේදී විවෘත කෙරුණි. ඒ කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හදුන්නෙත්ති මහතා සහ කම්කරු අමාත්‍ය සහ මුදල් නියෝජ්‍ය අමාත්‍ය අනිල් ජයන්ත මහතාගේ ප්‍රධානත්වයෙනි. මැණික් හා ස්වර්ණාභරණ අධිකාරිය සහ කර්මාන්ත අමාත්‍යාංශය විසින් ජනාධිපතිවරයා වෙත සිදුකළ යෝජනාවක් අනුව මෙය ස්ථාපිත කර ඇත. ශ්‍රී ලංකාවට පැමිණෙන සංචාරකයින් විසින් මෙරට තුළදී භාණ්ඩ මිලදී ගැනීමේදී ගෙවන ලද එකතු කළ අගය මත බදු නැවත ලබා දීම මෙහි අරමුණ වී තිබේ. ඒ අනුව ශ්‍රී ලංකාව තුළ දින 90කට වඩා රැඳී සිටින රුපියල් 50,000 ඉක්මවා වැට් බදු ගෙවූ සංචාරකයින්ට තමන් ගෙවූ වැට් බදු මෙම කවුළුව තුළින් ලබා ගත හැකි වේ. සංචාරකයින් ශ්‍රී ලංකාවේ නිෂ්පාදන මිලදී ගැනීමට උනන්දු කිරීමත්, ලංකාවේ බදු එකතු කිරීම ක්‍රමවත් කිරීම වෙනුවෙන් මෙම සේවාව ආරම්භ තිබේ.
