NEWSNOW | – කොළොන්නාව නගර සභාවේ බලය ජාතික ජන බලවේගයට හිමි කර ගනී.
කොළොන්නාව නගර සභාවට සභාපතිවරයෙක් තෝරාපත් කර ගැනීම අද (18) උදෑසන සිදුවූ අතර එහිදීද උණුසුම් තත්ත්වයක් ද හට ගෙන තිබේ.
කොළොන්නාව නගර සභාවේ ආසන 9ක් මාලිමාවට හිමිව තිබූ අතර, විපක්ෂයට ආසන 10ක් හිමිව තිබුණි.
කෙසේවෙතත් ඇති වූ උණුසුම් තත්ත්වය හමුවේ විපක්ෂයේ මන්ත්‍රීවරු 9 දෙනෙකු සභාවෙන් පිටව ගිය අතර, සමගි ජන බලවේගයේ වැඩිම මනාප හිමිකරගත් සුසිල් කුමාර මහතා සභාවේ රැඳී සිටිමින් ජාතික ජන බලවේගයට සහාය පළ කළේය.
ඒ අනුව පැවැත්වූ රහස් ඡන්දයෙන් ඡන්ද 10ක් හිමිකර ගනිමින් ජාතික ජන බලවේගයේ ධම්මික විජයමුණි මහතා කොළොන්නාව නගර සභාවේ, සභාපතිවරයා ලෙස තේරී පත්වූ අතර උප සභාපති ධුරය සමන් සෙනෙවිරත්න මහතාට හිමිවිය.