ඉරාන පාර්ලිමේන්තුවේ ජාතික ආරක්ෂාව සහ විදේශ ප්රතිපත්ති පිළිබඳ කොමිසම විසින් හෝමූස් සමුද්රසන්ධිය හරහා ගමන් කරන විදේශීය නෞකාවලින් සේවා ගාස්තු අය කිරීම සඳහා වන පනත් කෙටුම්පතක් අනුමත කර තිබේ.
මේ අතර, ඇමරිකානු භාණ්ඩාගාර ලේකම් ස්කොට් බෙසන්ට් සඳහන් කරන්නේ ඉරානයට ලැබෙන සියලු ආර්ථික උපකාර අත්හිටුවීම වොෂින්ටනයේ ප්රධාන අරමුණ බවයි. ඉරානයට එරෙහිව මෙතෙක් පැනවෙන දැඩිම ආර්ථික සම්බාධක මාලාව ප්රකාශයට පත් කිරීමට ආසන්න මොහොතක ඔහු මෙම අදහස් පළ කර ඇත.
එක්සත් ජනපදය ටෙහෙරානයට එරෙහිව මෙලෙස ආර්ථික යුද්ධයකට අවතීර්ණ වීම, ඔවුන් ලැබූ හමුදාමය පරාජය වක්රව පිළිගැනීමක් ලෙස ඉරාන විප්ලවීය ආරක්ෂක බලකායේ මාධ්ය ප්රකාශක සර්දාර් මොහෙබි පෙන්වා දෙයි. මේ අතර, ගාසා තීරය තුළ ඊශ්රායල හමුදාවන් විසින් අඛණ්ඩව මාරාන්තික ප්රහාර එල්ල කරමින් සිටින අතර, මගාසි (Maghazi) සරණාගත කඳවුර ආසන්නයේ පිහිටි ගබඩාවක් ද එම ප්රහාරවල ප්රධාන ඉලක්කයක් බවට පත්ව තිබේ.