සෞදි අරාබියේ මරණ දඬුවම නියම වී සිටින ශ්රී ලාංකික තරුණ සිවරාසා අනෝජන් නැවත පණපිටින් ගෙන්වා ගන්නා ලෙස ඔහුගේ මව කඳුළු සලමින් ආයාචනා කර තිබේ.
සමාජ මාධ්ය සටහනක් සම්බන්ධයෙන් අනෝජන් සෞදි අරාබියේදී අත්අඩංගුවට ගත් බව ඔහුගේ පවුලේ අය පවසති.
පසුව ඔහු එම සටහන මකා දමා ඒ සඳහා ප්රසිද්ධියේ සමාව අයැද සිටි බව පවුලේ අය පවසති.
මෙම නඩුවේදී ඔහුට මුලින් වසර පහක සිර දඬුවමක් සහ සෞදි රියාල් මිලියන තුනක දඩයක් නියම වූ නමුත් අභියාචනයකින් පසු දඬුවම මරණ දඬුවම දක්වා වැඩි කර ඇති බව පවුලේ අය කනස්සල්ලට පත්ව සිටිති. “මගේ පුතා වැරැද්දක් කර ඇත්නම්, අපි ඒ සඳහා සමාව අයදිමු. ඔහුට සමාව දී අප වෙත ආපසු ලබා දිය යුතුය” ඔහුගේ මව කඳුළු සලමින් ඉල්ලා සිටියාය.
පවුලක අවසාන බලාපොරොත්තුව වන අනෝජන්ගේ ජීවිතය බේරා ගැනීම සඳහා වහාම ඉහළ මට්ටමේ රාජ්ය තාන්ත්රික පියවර ගන්නා ලෙස ඔහුගේ පවුලේ අය සහ ප්රජා නායකයින් ශ්රී ලංකා රජයෙන් ඉල්ලා තිබේ.
මේ අතර මරණ දඬුවම නියම වී ඇතැයි කියන ශ්රී ලාංකික තරුණ සිවරාසා අනෝජන්ගේ ජීවිතය බේරා ගැනීම සඳහා රජය වහාම පියවර ගත යුතු බවට මඩකලපුව දිස්ත්රික් පාර්ලිමේන්තු මන්ත්රී ශ්යානක්යන් රාජමානික්කම් දැඩි කනස්සල්ල පළ කර තිබේ.
‘X’ වේදිකාවේ සටහනක, විදේශ අමාත්යාංශය හැසිරවීම සහ තානාපති කාර්යාලයේ වගවීම පිළිබඳව ඔහු ප්රශ්න කළ අතර ලබන සතියේ පාර්ලිමේන්තුවේදී මෙම ගැටලුව මතු කරන බව පැවසීය.
මුලින් වසර 5 ක සිර දඬුවමක් සහ සෞදි රියාල් මිලියන 3 ක දඩයක් නියම වූ අනෝජන්ට අභියාචනයකින් පසු මරණ දඬුවම නියම වී ඇති බව කියනු ලැබේ.
තානාපති කාර්යාලයේ නීතිමය තක්සේරුව අනුව සාර්ථක වීමේ අවස්ථා “ඉතා අඩු” බව පැවසුවද, විදේශ කටයුතු නියෝජ්ය අමාත්ය අරුන් හේමචන්ද්රගේ උපදෙස් මත පවුල අභියාචනයක් ඉදිරිපත් කළ බව පාර්ලිමේන්තු මන්ත්රී චානක්යන් ප්රකාශ කළේය.
තවද, පවුල විදේශ කටයුතු අමාත්යාංශයේ ලේකම්වරයාගේ නමින් ගිණුමකට නීති ගාස්තු ලෙස රුපියල් 1,890,766 ක් ගෙවා ඇත.
2026 අගෝස්තු 24 වන දින අභියාචනය ගොනු කරන ලද අතර, ඒ සඳහා ලිපියක් 2026 සැප්තැම්බර් 16 වන දින පවුලට යවන ලදී.
වෙනත් නීතිඥයෙකු අධිකරණයට පෙනී සිටි බවත් ඔහුගේ තොරතුරු පවුලට හෙළි නොකළ බවත් ඔහු චෝදනා කළේය.
ගාස්තුව ගෙවීමෙන් පසුව පවා නිසි නීතිමය නියෝජනයක් සහතික නොකළේ මන්දැයි ප්රශ්න කිහිපයක් මතු කර ඇති චානක්යන්, “ශ්රී ලාංකික පුරවැසියෙකුගේ ජීවිතය අවදානමට ලක්ව ඇත.
රජය වහාම පළපුරුදු නීති නියෝජනයක් ලබා ගත යුතු අතර අනෝජන්ගේ ජීවිතය බේරා ගැනීම සඳහා ඉහළම මට්ටමේ රාජ්ය තාන්ත්රික සාකච්ඡා පැවැත්විය යුතුය.”
සෞදි අරාබි අභියාචනාධිකරණය අනෝජන්ට අපහාස කිරීම සම්බන්ධයෙන් මරණ දඬුවම නියම කර ඇති බවට වාර්තා තිබුණද, මේ පිළිබඳව තවමත් නිල තහවුරු කිරීමක් නොමැත.