ඉරානයේ සිට එක්සත් අරාබි එමීර් රාජ්යය (UAE) දෙසට බැලස්ටික් මිසයිල දෙකක් එල්ල වූ බවට UAE බලධාරීන් චෝදනා කර සිටියි.
එක්සත් අරාබි එමීර් රාජ්යයේ ආරක්ෂක අංශ පවසන පරිදි, ඉරානයේ සිට පැමිණි මෙම මිසයිල දෙකෙන් එකක් එරට මුහුදු සීමාව තුළටත්, අනෙක මුහුදු සීමාවෙන් පිටතටත් පතිත වී තිබේ. පසුව නිකුත් කළ වාර්තාවකින් ඔවුන් පෙන්වා දෙන්නේ, මෙම මිසයිල ප්රහාර මුහුදු ගමනාගමන නෞකා ඉලක්ක කරගනිමින් එල්ල කර ඇති බවයි. සිදුවීමට පෙර ජනතාවට කෙටි දුරකථන පණිවිඩයක් මඟින් මිසයිල තර්ජනය පිළිබඳ අනතුරු ඇඟවීමට ද පියවර ගෙන තිබුණි.
කෙසේවෙතත්, ඉරාන විදේශ කටයුතු අමාත්යාංශයේ ප්රකාශක ඉස්මයිල් බකායි (Esmaeil Baqaei) මෙම චෝදනා සම්පූර්ණයෙන් ප්රතික්ෂේප කරයි. මෙවැනි අසත්ය ප්රකාශ මඟින් කලාපීය විශ්වාසයට සහ ආරක්ෂාවට බාධා වන බව ඔහු අවධාරණය කළේය.
මේ අතර, ඇමෙරිකාව සමඟ සාම ගිවිසුමකට එළඹෙන තෙක් ගල්ෆ් කලාපීය වැදගත් නාවික මාර්ගයක් වන ‘හෝර්මුස් සමුද්ර සන්ධිය’ වසා තබන බවට ඉරානය අනතුරු අඟවා ඇත. හටගෙන ඇති මෙම උණුසුම්කාරී තත්ත්වය හමුවේ ඉරානය සමඟ පවතින සියලුම වෙළෙඳ සහ මූල්ය ගනුදෙනු නැවත දැනුම් දෙන තුරු අත්හිටුවීමට UAE පියවර ගෙන තිබේ.
මීට අමතරව, එක්සත් අරාබි එමීර් රාජ්යයට අයත් ADNOC තෙල් සමාගමේ නෞකා කිහිපයක් ද පසුගිය සති කිහිපය තුළ ප්රහාරයන්ට ලක්ව ඇති බව වැඩිදුරටත් වාර්තා වේ.