NEWSNOW – ඊශ්‍රායලය අල්ලා ගෙන සිටින බටහිර ඉවුර නම් පදෙසේ දිනපතා සෝදිසි මෙහෙයුම් නමින් සිදු කරනු ලබන යොන් මැරිල්ල නිසා සිය ගණනින් පලස්තීන වැසියන් ඝාතනය කරනු ලබති.
පසුගිය මාස කිහිපය තුල මෙම මෙහෙයුම් සංඛ්‍යාව වැඩි වී ඇති අතර මෙම කාල වකවානුවෙහි ස්ත්‍රීන් ළමුන් ඇතුලු පලස්තීන වැසියන් 140 ක් යුදෙව් හමුදාව විසින් මරා දමා ඇත.
තවද විශාල සංඛ්‍යාවක් තුවාල ලබා ඇති බවද එක්සත් ජාතීන්ගේ සංවිධානය අනාවරණය කරයි ඇත. ඊශ්‍රායලය හමුදා සෙබලුන්ද ඇතුලත්ව මෙම වකවානුවෙහිම දිවි අහිමි වු යුදෙව්වන්ගේ සංඛ්‍යාව 16 කි.
මැද පෙරදිග සාම ක්‍රියාවලිය සඳහා වන එජා විශේෂ සම්බන්ධීකාරක ටොර් වෙන්නස්ලන්ඩ් තත්වය ගැන අදහස් දක්වමින් ප්‍රකාශ කර සිටියේ පලස්තීනයේ බටහිර ඉවුර හා නැගෙනහිර ජෙරූසලමයේ පිරිහෙමින් පවතින ආරක්‍ෂක තත්වය දැක තමා දැඩි ලෙස කම්පා වු බවයි.
සාම කථා ඉදිරියට ගෙන යන්නට නම් පවතින නොසන්සුන් තත්වය සමනය කළ යුතුය යැයිද ඔහු වැඩිදුරටත් අවධාරණය කළේය.
මේ අතර ඊශ්‍රායලය පවසන්නේ සිය මෙහෙයුම්වල අරමුණ පලස්තීනුවන් වෙතින් සිදුවන ත්‍රස්තවාදය පාලනය කිරීම බවයි.
එනමුත් පලස්තීනුවන් පවසන්නේ තමන්ට හිමි භූමිය සාපරාධී ලෙස අල්ලා ගෙන සිටින යුදෙව්වන්ට එරෙහිව තමන් සිදු කරමින් සිටින සටන කිසිසේත් ත්‍රස්තවාදයක් නොවන බවයි.
අදට වසර හැටකට පමණ පෙර ඇමරිකාව මහ බ්‍රිතාන්‍ය ප්‍රංශය ඇතුලු රටවල සහය සහිතව පලස්තීනයේ කොටසක් ඊශ්‍රායලය යැයි නම් කර යුදෙව්වන් හිමි කර ගැනීමෙන් පසු 1967 සිදු වු දින හයේ යුද්ධයෙන් පසු ඊශ්‍රායලය විසින් නීති විරෝධී ලෙස පලස්තීනයේ බටහිර ඉවුර නම් කොටසද ආක්‍රමණය කරන ලද අතර එජා සංවිධානයේ තීරණද නොතකා එයින් ඉවත් නොවි සැහැසිකම් කරම්න් සිටියි.
(විදෙස් මාධ්‍ය පරිවර්තනයකි)